تعالو نناقش مسك الكلمات و تحسين مواقعنا بمحركات البحث

السلام عليكم ورحمة الله وبركاتة

كل عام وانتم بخير وبصحة وسلامة إن شاء الله


اخواني حبيت اطرح هالموضوع لتعدد وجهات النظر واللي يضيع بينها صاحب الموقع
وخاصه أصحاب المواقع الجديدة من مسك الكلمات وشهرة مواضيعه

اللي عارفين ان اكثر شي يسويها اصحاب المواقع من النشر صارت مخالفه لقوقل








وكل واحد اذا قال بيسوي الحاجه الفلانيه الجواب يكون >>>>> ( مخالف لسياسة قوقل )

النشر بالمدونات والمواقع >>> مخالف لسياسة قوقل
الروابط النصية >>> مخالف لسياسة قوقل

الخ الخ الخ كل شي مخالف لسياسة قوقل

وتبغون الصراحه ؟؟؟ وش طلع هالمواقع الكبيره غير النشر بالمواقع والمدونات
؟؟؟ وماحب اذكر المواقع اللي حالياً ينشرون واعرف البعض منهم شخصياً والله
يوفقهم ان شاء الله ويزيدهم

اكيد بتقولون المحتوى الحصري هو اللي راح يجلب لك الزوار لموقعك

انا اقول هذا كلام فاضي بحاله وحده فقط اذا كان موضوعك الحصري لموقعك فقط
لا غير يعني مافيه احد ينسخه وينقله لمواقع ثانيه راح يكون صحيح عليه زوار
ويكون بالنتائج في محركات البحث

خلوني اعطيكم الدليل >>> فيه صاحب موقع جديد والبيج رانك عنده صفر أو خلونا نقول 1 ويومياً ينزل مواضيع حصريه في موقعه

ويتم نسخ هذه المواضيع لمواقع أكبر من موقعه من ناحية البيج رانك والنشاط
ويكون هو اللي كسب المحتوى الحصري هذا وتكون النتائج في قوقل لموقعه وليس
للموقع الأول اللي يتعب على طرح المواضيع الحصريه

لاننا عارفين ان البيج رانك إذا كان عندك قوي راح تتغلب بالنتائج الأولى على المواقع الجديدة اللي بيج رانكها صغير

يعني ياصاحب الموقع الجديد اذا نزلت مواضيع حصريه عندك وتم نقلها إلى مواقع
ذات بيج رانك أكبر منك راح تكون النتائج واضحه للموقع اللي بيج رانكه أقوى
فقط ...


ملاحظة مهمة : تبغى موضوعك الحصري يكون أول النتائج حتى لو يتم نسخه ولصقه في مواقع أخرى ؟؟؟

انشر رابط موضوعك الحصري في 50 أو 100 صفحة سواءاً مدونات أو مواقع أخرى لكي يكون قوي وذات سمعه في محركات البحث

لأن المواضيع المطروحه بالموقع هي اللي تجلب لك الزوار يعني لو تنشر كل موضوع بيكون دخل الزوار عليك 100%

وانا اتحدا اي موقع يكون عنده الموضوع هذا ويكون في محركات البحث قبل موضوعك

ولكن الشغله هذي متعبه اكيد مو معقوله يومياً بتنشر مواضيع موقعك لأنها كثيره

بس أنت جرب اي موضوع عندك انشر رابطه وشوف النتيجه

وبالنهايه هذي وجهة نظري وحبيت اطرحها لأني استخدمها الآن واكيد لكل شخص وجهة نظر واحترمها